...И ЦВЕТНИЦИ
Наредните два дена се големи празници. Во сабота, 27 март се споменува чудесното воскресение на упокоениот Лазар. Во тоа време, се разболел Христовиот пријател Лазар од Витанија, братот на Марта и Марија. Тогаш сестрите испратиле луѓе по Исуса, кој бил на другиот крај од земјата, велејќи му- Господи, оној што го милуваш, болен е. Кога наближиле до Витанија, Исус и апостолите разбрале дека Лазар веќе четири денови бил во гроб. Просолзил, побарал да го кренат каменот, се помолил и извикал- Лазаре, излези надвор. Веднаш по ова Лазар се појавил пред народот, а неговото воскресение било доживеано како најсилен доказ за Божественоста на Господ Христос.