ЌЕ СЕ СМИРАТ
Ермира Мехмети и Теута Арифи му порачаа на Груевски наместо да јаде бурек,  да изгради стратегија со која Македонија ќе оди во ЕУ и НАТО. Пратеничката Мазнева им одговори дека се ксенофобични, нетолерантни, национално фрустрирани.
Имаше тука уште многу слатки зборови, ама се на тоа се заврши. Колку за потсетување, Мехмети, Арифи и Мазнева се коалициони другарки. Сега се скар, ама брзо ќе им помине, оти во овој владин брак од интерес се мора да биде идилично т.е секој треба да си биде господар во својот атар.

ЌЕБИЊА
Политичариве очи ќе си извадат за тоа дали СДСМ прифатил да се разговара околу идентитетот уште во 2005 година.. Се колват меѓусебе СДСМ и ВМРО за ова и за десетици други прашања, но никој од нив не се засекира што болните во велешката болница се лекуваат во услови  каде греењето е на минимум, па мора да си носат од дома греалки и ќебиња за да се стоплат. Се додека имаме политичари кои на животот забораваат, а демек им робуваат на големите теми, тешко ќе ни оди... И тешко ни е!