ВЕТАР
1. И од најслаб ветар ни се ниша куќата. Слаби и се темелите.
2. Името не ни го признаваат други, ама јазикот и писмото сами си ги уништуваме.
3. Да имавме поизразени национални чувства, тезите за патриоти и предавници ќе беа смешни.
4. Оружјето што го заплени полицијата било за пукање по свадби.
Тони Стојкоски “Внуче“

ГОДИНИ!    
Анкетата на “Дневник“ уште еднаш докажа колку е чувствителен процесот на наоѓање компримис со Грците. Половина од испитаниците сметаат дека треба да се прекинат преговорите, а голем процент се изјасниле против било каква промена на името. Ова покажува дека спорот со јужниот сосед не само што нема да се реши годинава, туку за негово надминување ќе бидат потребни години и години. Со Вмро сме на чисто, а СДСМ утре да дојде на власт не може да прифати промена на име без да го послуша гласот на народот, кој во моментов вели- не сакаме друго име.  Значи, за да се смени јавното мнение ќе бидат потребни години и години, во спротивно ако се оди брзоплето може да има крвопролевање и тоа во рамките на македонската заедница. Со други зборови, НАТО и ЕУ се далечна мечта, ако воопшто и се мечта.